U cijelosti Vam prenosimo pismo podrske koje je upuceno “Nacionalnom koordinacionom tijelu” dana 20/03/2020:

“Ispred kompanije “Sporting Group” doo, želim prije svega da zahvalim na Vašem požrtvovanom, predanom i neumornom radu i svim naporima, koje ulažete da građane Crne Gore zaštitite od novog korona virusa. Sa velikim ponosom prema našim internacionalnim partnerima komuniciramo da je Vlada Crne Gore reagovala brzo i efikasno, da sprovodi sve mjere koje su u njenoj moći da zaštiti naše građane – i one u zemlji, a i u inostranstvu. Na tome Vam, ispred svih nas u SBbet-u, od srca zahvaljujem. Svjesni smo da je borba protiv pandemije borba koju dobijamo samo ako djelujemo zajedno. Osim toga što smo podstakli naše zaposlene da rade od kuće i time minimiziraju društvene kontakte, vodićemo i računa o tome da sačuvamo njihova radna mjesta. Naša obaveza – ne samo kao društveno odgovorne kompanije, već i kao člana ovog društva – je da Nacionalnom koordinacionom tijelu pomognemo koliko je to u našoj moći. Zbog toga želim da Vas obavijestim da smo donirali 20.000 EUR Nacionalnom koordinacionom tijelu za borbu protiv zaraznih bolesti uplatom na žiro račun koji je za ovu namjenu posebno otvoren Za sva pitanja Vam rado stojimo na raspolaganju. Još jednom, veliko hvala za Vaš rad!
Srdačan pozdrav,
Aleksandar Špadijer”